القائمة الرئيسية

الصفحات

قسم ميكانيكا باور mechanical power engineering أو ميكانيكا قوى

ميكانيكا باور mechanical power engineering أو ميكانيكا قوى

ناس كتير بيكون متاح عندها قسم ميكانيكا قوى او ميكانيكا باور فى الكلية ومش عارف القسم بيكون بيتكلم عن ايه او ايه مجالات شغله و المواد والدراسة.
النهاردة ان شاء الله هنكلمك عن مواد قسم ميكانيكا قوى او ميكانيكا باور و التخصصات و مجالات العمل و المشاريع و التخصصات الفرعية اللى موجودة فيه والفرص الجديدة.

1- ايه هو قسم ميكانيكا باور ؟

هو القسم المسؤول عن تحويل الطاقة من صورها المختلفة عن طريق دراسة نقل الحركة و الطاقة و تأثيرها على الأجسام عشان نحصل على القدرة المطلوبة بأعلى كفاءة و أأمن طريقة .طيب مفهمتش أو لسه مش مستوعب ؟
يعنى مثلا دلوقتى احنا عندنا شوية فحم بيختزن طاقة كيميائية فدخلناه عملية احتراق عشان يدينا حراره اللى هى نوع تانى من الطاقة.
او مثلا فى محرك الاحتراق الداخلى عندنا شوية وقود فدخلناه عملية احتراق عشان يحول الطاقة الكيميائة للوقود لشغل وحركة.
او مثلا عندك مضخة مياه بشغلها بمحرك كهربائى عشان تزود معدل التدفق او الضغط الخاص بالمياه . فانت هنا حولت الطاقة الكهربية لطاقة مغناطيسية جوه المحرك والطاقة المغناطيسية اتحولت الى عزم و سرعة دوران فى عمود المحرك الكهربى واللى بدوره شغل المضخة عشان تدينا ضغط ومعدل تدفق.

2- مجالات العمل في قسم ميكانيكا باور او ميكانيكا قوى؟

  1. السيارات Automotive.
  2. الطائرات Aerospace.
  3. محطات توليد الطاقة.
  4. محركات السفن.
  5. المعدات الثقيلة.
  6. الهيدروليك والنيوماتيك.
  7. مكافكة الحريق.
  8. التبريد والتكييف.
  9. الصرف الصحى.
  10. الغازات الطبية.
  11. الطاقة الجديدة والمتجددة "الطاقة الشمسية و الطاقة الكهرومائية و طاقة الرياح و طاقة الوقود العضوى و طاقه المياه الجيوحرارية"
  12. محطات معالجة وتحلية المياه
  13. التصميم الميكانيكى
  14. الصيانة

3- مواد ميكانيكا باور او ميكانيكا قوى؟

شنقوم بتقسيم المواد الى 
  • مواد اساسية ومهمه جدا
  • مواد مساعدة
  • مواد تخصصية 

اولا المواد الاساسية وهى:
  1. تفاضل وتكامل متقدم Advance calculus
  2. معدلات تفاضلية اعتيادية Ordinary differential equation ODE
  3. علم الديناميكا الحرارية thermodynamics
  4. ميكانيكا الموائع fluid mechanics
  5. انتقال الحرارة heat transfer
  6. الاحتراق combustion
  7. ديناميكا الغازات Gas Dynamics

ثانيا المواد المساعدة وهى
  1. تكنولوجيا الانتاج Manufacturing Technology
  2. مقاومة المواد Strength of materials
  3. تحليل الاجهادات Stress analysis
  4. تحكم الى automatic control
  5. تحليل عددى Numerical analysis
  6. التصميم الميكانيكى Mechanical design
  7. الاهتزازات الميكانيكية Mechanical Vibrations

ثالثا المواد التخصصية
  1. التبريد والتكييف Refrigerator and Air conditioning
  2. معدات التبريد والتكييف Refrigerator and Air conditioning equipments
  3. مكافحة الحريق Fire Fighting
  4. محركات الاحتراق الداخلى Internal Combustion engines
  5. خطوط المواسير Pipe line
  6. مضخات pumps
  7. ضواغط Compressors
  8. محطات طاقة power Stations


و دول يعتبروا أهم العلوم و الركائز الأساسية الي هتقابلها في القسم و الحياة العملية , و أي حاجه بتبقا مرتبطة بيهم بشكل أو باخر .












هل اعجبك الموضوع :

تعليقات